Një 74-vjeçar është gjetur i pajetë në fshatin Brataj të Vlorës. Dyshohet se personi është mbytur, ndërsa vijojnë hetimet për zbardhjen e plotë të ngjarjes.
”Rreth orës 18:10, në fshatin Brataj, në afërsi të vendit të quajtur “Ura e Bratit”, është gjetur i pajetë buzë lumit, dyshohet i mbytur, shtetasi M. G., rreth 74 vjeç, banues në Brataj, Selenicë.”, informon policia.
Nga këqyrja paraprake në trupin e tij nuk janë konstatuar shenja dhune.
Grupi hetimor po punon për zbardhjen e rrethanave të ngjarjes.
