Ish-kryeministri Sali Berisha, ka vijuar me publikimin e denoncimeve të mbërritura në adresë të tij. Ai ka ndarë me ndjekësit mesazhet e dy qytetarëve, në të cilat thuhet se në Vlorë dhe në Laç kanë ndodhur disa grabitje me maska, por që policia nuk i ka raportuar, dhe po i fsheh.
Një qytetar i bën me dije Berishës se një plagosje ka ndodhur në qytetin e Vlorës, por policia e ka fshehur si ngjarje, duke mos dhënë asnjë detaj. Një tjetër i shkruan ish-kryeministrit se në Laç, i kanë dalë 4 herë maskat para, dhe policia nuk ka marrë asnjë masë.
