Presidenti rus Vladimir Putin do të komunikojë me presidentin e SHBA-ve, Donald Trump pas takimit me aleatin e Moskës, presidentin e Sirisë, Bashar al-Assad.
Gjatë vizitës së Assadit, Putin tha se së shpejti do të telefononte Shtëpinë e Bardhë dhe disa udhëheqës të tjerë për zgjidhjen e Luftës Civile Siriane.
“Në kuadër të takimit të sotëm, unë do të kryej disa konsultime me udhëheqësit e vendeve, të cilat unë i kam përmendur tashmë. Është planifikuar një bisedë me emirin e Katarit dhe të nesërmen, me presidentin e SHBA-ve, ndërsa më pas do të bisedoj me udhëheqësit e vendeve të rajonit”, tha Putin në takimin me Assad.
Pas përfundimit të bisedës telefonike mes Putin dhe liderit të Katarit, sheikut Tamim bin Hamad Al Thani, Kremlini deklaroi se ajo ishte mbyllur me një vlerësim pozitiv.
Ekipi i presidentit rus nuk ka specifikuar se kur do të zhvillohet biseda telefonike me presidentin Trump. Megjithatë, kjo do të jetë hera e parë që liderët në fjalë do të komunikojnë që nga takimi i tyre i ftohtë në Samitin e Vietnamit. As rusët dhe as delegacionet e SHBA nuk dhanë një shpjegim se pse dy liderët nuk arritën të mbajnë një takim zyrtar në samit.
Ndihmësi i lartë i Kremlinit, Yuri Ushakov, tha se ora ekzakte e takimit ishte caktuar, por Sekretari i Shtetit Rex Tillerson mohoi të ishte planifikuar takimi. Ky i fundit tha se për sa i përket atij, Moska kishte ende për të treguar se kishte mjaft për të diskutuar, gjë që do ta bënte atë një “takim kuptimplotë”.
Sipas ekspertëve, Kremlini mund të ketë synuar një rritje të imazhit me takimin, ndërsa ekipi i Trump mendoi se një bisedë me Putin do t’i bënte antireklamë administratës së Trump.
Aleatët e SHBA që marrin pjesë në koalicionin e saj kundër grupit militant të Shtetit Islamik në Siri, kanë kundërshtuar gjerësisht rolin e Asadit në qeverinë e pasluftës të Sirisë. Përshtati TIRANA TODAY
