Presidentja në detyrë e Kosovës, Vjosa Osmani ka përmendur sërish traun në Morinë, duke e cilësuar si një barrierë psikologjike mes dy vendeve.
E ftuar në emisionin “Tempora”, Osmani u shpreh se si presidente e ka për detyrë që të shpresë shqetësimet e qytetarëve të Kosovës.
“Arsyeja pse përmenda traun në Morinë është se po konsiderohet si një barrierë psikologjike. Ka qenë një temë e përditshme në Kosovë dhe unë e kam për detyrë që t’i shpreh këto shqetësime. Nuk futem te çështja teknike dhe ekonomike, por atdheu është ideal nuk është vetëm para. Shumë shqiptarë nga Kosova nuk e vizitojnë Shqipërinë vetëm për plazhin, por edhe për dashurisë që kanë për Shqipërinë. Në Lezhë u njoftova se 70% të vizitorëve janë kosovarë. Pra, nuk jemi vizitorë si gjithë të tjerët. Ky tra po shihet si një barrierë psikologjike,”-tha Osmani.
