Eurodeputeti Knut Fleckenstein është shfaqur kundër zërave nga vendi i tij që janë jo hapjes së negociatave me Shqipërinë.
Një ditë pasi kreu i grupit parlamentar të CDU-së u shpreh për moshapjen e tyre, Fleckenstein, njëherësh raportuesi për Shqipërinë në Parlamentin Europian, ka kërkuar nga KE hapjen e negociatave
“Në Shqipëri ka patur progres të qartë dhe çështjet sa i takon sundimit të ligjit po shkojnë në drejtimin e duhur dhe ndoshta edhe më mirë se në disa vende brenda Bashkimit Europian. Prandaj, ne duhet të hapim bisedimet e anëtarësimit me këtë vend”, tha diplomati i lartë i Brukselit para Parlamentit Europian.
Kështu, negociatat, hapja apo moshapja e tyre, janë shndërruar dhe në një garë mes gjermanësh.
Ai gjithashtu kishte një tjetër apel për Kosovën.
“Ne nuk duhet të harrojmë se kriteret për liberalizimin e vizave tani janë përmbushur”, tha Fleckenstein.
Deputeti gjerman këmbënguli gjithashtu se negociatat me Maqedoninë duhet të jenë të hapura dhe të vazhdojnë të përparojnë me kapitujt e mëtejshëm, siç është rasti me Serbinë dhe Malin e Zi.
