Hasan Miri, 65 vjeç, mori vendimin drastik për t’u vetëflijuar mbrëmjen e djeshme, duke u hedhur nga kati i katërt i spitalit “Shefqet Ndroqi”.
I ndjeri është vjehrri i deputetit Gjetan Gjetani. I kontaktuar nga ‘ABC News’, ai deklaroi se do të flasë në një moment të dytë, por sqaroi se vjehrri i tij kishte shfaqur probleme psikologjike dje.
Miri, para tre ditësh kishte rezultuar i infektuar me Covid-19 dhe ishte shtruar në Sanatorium, nga ku dhe u vetëhodh. 65-vjeçari ishte në terapi intensive dhe nuk kishte sëmundje të tjera bashkëshoqëruese.
