Kryeministri grek, Kyriakos Mitsotakis ka deklaruar se duke filluar nga 15 qershori, vendi fqinj do të presë turistë nga jashtë.
Kreu i qeverisë greke theksoi se shumica e fluturimeve për në Greqi do të rifillojnë deri në 1 korrik. Deri në atë kohë hotelet sezonale do të jenë të hapura dhe karantina dy-javore për të huajt nuk do të jetë më në fuqi.
Megjithatë, mediat greke bëjnë me dije se turistët nga vendet me nivele të larta infeksioni nuk do të lejohen fillimisht të vizitojnë vendin.
Ndërkohë duke filluar nga sot, Greqia ka hequr kufizimin për të udhëtuar në ishuj, për t’i dhënë një vrull turizmit.
Deri më tani,vendi fqinj numëron 2,878 raste infektimi dhe 171 viktima nga koronavirusi.
