Kryeministri Edi Rama është shprehur se 6-mujori i vitit të ardhshëm do të jetë vendimtar për integrimin e Shqipërisë në BE.
Këtë deklaratë Rama e bëri para pak minutash, teksa po zhvillohet mbledhja me grupin parlamentar të Partisë Socialiste.
Kështu, kryeministri ka dhënë detaje lidhur me vizitën e tij në Bruksel, ku u tregua mjaft optimist teksa tha se Shqipëria mori vlerësime shumë inkurajuese lidhur me ecurinë e vendit në 5 drejtimet e përcaktuara nga KE si prioritete kyçe, ku theksoi ndër të tjera fillimin e procesit të Vettingut.
FJALA E RAMËS:
Shqipëria gjendet më afër se asnjëherë çeljes së negociatave, 6 mujori i vitit do të jetë vendimtar. Ne morëm vlerësime shumë inkurajuese në Bruksel lidhur me ecurinë e vendit tonë në 5 drejtimet e përcaktuara nga KE si prioritete kyçe për Shqipërinë. Edhe fillimi i procesit të Vettingut me krijimin e institucioneve dhe nisja e zbatimit të ligjit të Vettingut janë kusht tanimë i plotësuar që në ecurinë e muajve në vijim do japim rezultatet e para të nevojshme për të shtyrë jo vetëm zbatimin e reformës historike në drejtësi. Me rëndësi është të theksohet edhe vlerësimi i bërë nga instancat e BE për luftën kundër drogës, trafiqeve dhe korrupsionit. TIRANA TODAY
