Duket se Vizion Plus do të sfidojë Klanin dhe Topin. Ky televizion pritet që të sjellë së shpejti një emision të ri si “STOP” dhe “Fiks Fare”.
Emisioni do të drejtohet nga dy aktorët e mëdhenj të humorit, Agron Llakaj dhe Xhevahir Zeneli. “IMAlbania.com” bën të ditur se formati do të titullohet “Fake Off”, dhe do të ketë synim satirën për zhvillimet e fundit në politikë, por pa përfshirë pjesën e gazetarisë investigative.
Emisioni do të përfshijë “Vox pop”, video, batuta, foton e ditës dhe lajmin kryesor të ditës.
Premiera e programit do të vijë për publikun për herë të parë në programacionin festiv të 31 dhjetorit në Vizion Plus, për t’u rikthyer sërish në janar nga e hëna në të premte në orën 19.30. Emisioni do të vijë menjëherë pas edicionit informativ të lajmeve në këtë televizion.
