Presidenti i Bashkimit Evropian Jean Cloude Juncker gjatë turit në vendet e Ballkanit Perëndimor sot ka qëndruar në Prishtinë. Gjatë qëndrimit në Kosovë, ai është takuar me përfaqësuesit më të lartë të shtetit, ndërsa bëri thirrje që Kosova të shkojë përpara në përmbushjen e kushteve drejt liberalizimit të vizave.
Ndërkohë gjatë konferencës së përbashkët me Thaçin, ai tha se izolimi i qytetarëve të Kosovës nuk është lajm i mirë, por duhet punuar intensivisht në këtë drejtim. Presidenti i Kosovës, Hashim Thaçi deklaroi se nuk ka kthim pas dhe po punohet intensivisht për liberalizimin e vizave. Sipas tij, Kosova dhe Serbia nuk kanë rrugë tjetër për integrimin evropian, pa kaluar përmes dialogut konstruktiv.
I pyetur nga gazetarët se kur mund të ndodhë liberalizimi i vizave, Juncker u përgjigj: “Nuk kam ardhur këtu t ë ligjëroj për demokracinë. Kjo nuk varet nga ne, që kur dhe si do të ndodh, por varet nga ajo që do bëjnë institucionet e Kosovës, në përmbushjen e kritereve“.
Thaçi:Puna jonë nuk do të ndalet tani dhe nuk do të ndalet në drejtim të liberalizimit të vizave. Ju garantoj se nuk do të ndalemi në përmbushjen e rregullave dhe natyrisht do mbajmë përgjegjësi nga lëvizja e lirë. Dialogu mes Kosovës dhe Serbisë është e vetmja rrugë në përmbushjen e reformave. Kosova është evropiane, kam besim se e ardhmja evropiane do të jetë më e shpejtë dhe më e sigurtë nga se e presin skeptikët.
Juncker: Jemi të gëzuar që përfundojmë takimin në Prishtinë, strategjia e 6 shkurtit, përfshin edhe Kosovën. Reformat duhet forcohen në drejtësi dhe e drejta themelore për të rinjtë dhe më të talentuarit. Këto të drejta duhet të jenë themeli i begatisë së Bashkimit Evropian. Kosovarët do të gjejnë një të ardhme më të sigurt në BE.
Të votohet demarkacioni, është një hap i rëndësishëm, i pashmangshëm drejt liberalizimit të vizave. Lufta ndaj krimit t ë organizuar duhet të vijojë e dhe më tej. Mua nuk më kënaq ideja, që kosovarët nuk lëvizin të lirë. Ata kanë të gjithë të drejtat në lëvizjen e lirë. Marrëdhëniet mes Kosovës dhe Serbisë duhet të vihen në një vijë të re.
Mund të na jepni një datë për vizat, kur mund të ndodhë?
Juncker:Nuk kam ardhur këtu t ë ligjëroj për demokracinë. Kjo nuk varet nga ne, që kur dhe si do të ndodh, por varet nga ajo që do bëjnë institucionet e Kosovës, në përmbushjen e kritereve.
