Ministrja e Shëndetësisë, Ogerta Manastirliu, duke parë sesi situata po rëndohet me kalimin e orëve, ka ripërcjellë një sërë këshillash të rëndësishme, për të parandaluar përhapjen e koronavirusit.
Sipas Manastirliut, virusi përhapet shumë shpejt, por po kaq lehtë mund të ndalet nëse secili prej nesh zbatojmë disa rregulla në përditshmërinë tonë.
Statusi
Virusi përhapet shumë lehtë, duke rrezikuar shëndetin e gjithësecilit! Por po kaq lehtë mund të ndalet, nëse zbatohen në përditshmëri këto rregulla të thjeshta? #Mbroni veten dhe të afërmit tuaj! Vetëm duke treguar kujdes mund ta mposhtim ?#COVID19?
#RespektoniRregullat.
Dje u shënuan dy të vdekur brenda 24 orëve nga COVID-19. Pas vdekjes së 34-vjeçares nga Librazhdi, një pacient 90-vjeçar nga Tirana ka ndërruar jetë në Spitalin Infektiv në QSUT, i prekur nga COVID-19, me disa sëmundje bashkëshoqëruese. Lajmi u konfirmua nga Ministria e Shëndetësisë.
Nga fillimi i epidemisë, 48 qytetarë e kanë humbur betejën me COVID-19, pavarësisht përpjekjeve të stafeve mjekësore dhe terapive të mjekimit.
