Guardia di Finanza dhe Zyra e Doganave në Ankona, kanë sekuestruar 10 mijë maska filtri pëlhure.
Sipas mediave italiane, maskat të cilat vinin nga Shqipëria janë sekuestruar pasi nuk kishin etiketën e origjinës.
Hetuesit deklarojnë se vlera e tyre shkon rreth 10 mijë deri në 250 mijë euro nëse do të shiteshin në treg.
“Gjatë veprimtarisë së kontrollimit të mallrave, pasi kanë konstatuar mungesën e indikacioneve për vendin e prodhimit të maskave dhe, nga ana tjetër, në prani të paketimeve të bëra tërësisht në italisht, ishin të nevojshme hetime të mëtejshme, të cilat konstatojnë origjinën shqiptare.
Por që për këtë mall nuk u tregua vendi i origjinës dhe kishin një paketim tërësisht në italisht.
Në fakt ato dyshohet se vinin nga Shqipëria. Mashtrimi për origjinën e mallit shkaktoi konfiskimin administrativ”, njoftoi policia italiane.
