Për të realizuar grabitjen në Allias të Tiranës, duket se grabitësit kanë pasur informator të brendshëm. Këto dyshime janë ngritur nga grupi hetimor, pasi grabitja ka ndodhur ditën e diel, kur bëhej mbledhja e xhirove javore dhe një pjesë e parave dërgoheshin në banesën e çiftit Laze. Çifti i bashkëshortëve janë pronarë të furrës së bukës “Laze”, me disa pika në Tiranë.
Po si ndodhi ngjarja?
Mbrëmjen e djeshme, Petrit dhe Aferdita Laze ranë pre e një grabitje të armatosur në lagjen Allias të Tiranës. Dy grabitësit e armatosur dhe me maska kanë hyrë nga pjesa e pasme e vilës dy-katëshe buzë rrugës “Njazi Meka”. Ata janë zbuluar nga vajza 17-vjeçare e familjes Laze, e cila ka njoftuar prindërit. Autorët, përveçse e kanë qëlluar me armë zjarri Petrit Lazen, e kanë goditur edhe me sende të forta. Ndërsa Afërdira Laze ka marrë vetëm një plumb në këmbë. Ata ndodhen në spitalin e Traumës. Petrit Laze paraqitet në gjendje të rënduar shëndetësore, ndërsa e shoqja është jashtë rrezikut për jetën.
Vila kishte sistem alarmi dhe kamera sigurie
Vila kishte sistem alarmi dhe kamera sigurie. Duket se autorët kanë patur informacion edhe për këtë gjë, pasi alarmi i vilës aktivizohej në orën 22:30, ndërsa ata kanë hyrë në vilë për të grabitur në orën 21: 45 të mbrëmjes së djeshme, raporton “abcnews”. Grupi hetimor ka mbledhur disa prova në vendin e ngjarjes, që mund të ndihmojnë në identifikimin e autorëve.
Plagosja në Allias/ Ngjarja ndodhi në sy të vajzës, 15 të shoqëruar
