Një raport i fundit ka publikuar të dhënë tronditëse ku bëhet e ditur se më shumë se 5.000 viktima duke iu referuar autoriteteve në Mbretërinë e Bashkuar kanë pre e skllavërisë dhe trafikimit vitin e kaluar.
Agjencia Kombëtare e Krimit në Britaninë e Madhe tha se për herë të parë shtetasit britanikë përbëjnë numrin më të madh të këtyre rasteve.
Menjëherë pas tyre renditen shqiptarët, si viktima të skllavërisë moderne dhe trafikimit. Ndërsa në vend të tretë renditen qytetarët nga Vietnami. Për vitin 2017, 777 shqiptarë në Britani janë raportuar si viktima të skllavërisë moderne, të ndjekur nga 739 vietnamezë.
Pjesa më e madhe e viktimave të skllavërisë janë fëmijë. Ky numër është rritur me 66% në krahasim me vitin 2016. Fëmijët shfrytëzohen kryesisht nga bandat e drogës në rrugë, duke i përdorur si korrierë të tyre në zonat bregdetare dhe rurale.
Shifrat e këtij raporti zbuluan gjithashtu se në 1/3 e rasteve, viktimat dyshohet se ishin shfrytëzuar edhe për qëllime seksuale.
Vitet e fundit, në Britani është theksuar së tepërmi fenomeni i skllavërisë moderne, kjo për shkak edhe të numrit të madh të shtetasve të huaj në vend. Skllavëri moderne, që do të thotë të detyrosh dikë për të kryer një punë, është vepër penale dhe dënohet deri në 14 vite burg në Britani të Madhe. TIRANA TODAY