Forcat e Ndërhyrjes së Shpejtë në bashkëpunim me Policinë e Shtetit kanë vijuar edhe sot me aksionin për bllokimin e makinave luksoze.
Sipas Report Tv, në 24 orët e fundit janë bllokuar të paktën 50 mjete luksoze në qarkun e Gjirokastrës, të cilët janë duke u verifikuar. Mëngjesin e sotëm, janë bllokuar 5 prej tyre, pasi nuk kishin dokumentacione të sakta.
Përgjatë dy ditëve të fundit në rang kombëtar janë bllokuar mbi 150 makina luksoze në rrethe të ndryshme. Policia ka bërë me dije se aksioni do të vazhdojë edhe në ditët në vijim.
