Në Mal të Zi vazhdojnë fërkimet dhe mosmarrëveshjet rreth ligjit për lirinë fetare.
Ky i fundit u miratuar në fund të dhjetorit mes protestash e akteve të dhunës në parlamentin malazez. Kisha ortodokse Serbe dhe mbështetësit e saj organizojnë çdo ditë protesta, duke shkaktuar edhe dhunë e incidente në qytetet e ndryshme të Malit të Zi.
Në disa raste, forcat e rendit kanë ndërhyrë duke arrestuar me dhjetëra protestues. Ndërkohë, qëndrimet e zyrtarëve të Podgoricës me ato të Beogradit mbeten shumë të kundërta.
