Prej disa ditësh, këngëtari Arkimed Lushaj, i njohur si Stresu, ndodhet në arrati, pasi është shpallur në kërkim nga policia pas protestave për 25-vjeçarin e vrarë nga policia.
Megjithatë, Stresin nuk e ndalon asgjë në projektet e tij muzikore.
Herë pas here, ai ka sulmuar virtualisht policinë, ku i ka bërë të qartë se ata nuk do mund ta kapin dot kurrë.
Së fundmi, Stresi sërish i ka sulmuar, por këtë herë me muzikë. Në këngën e publikuar në bashkëpunim me One T dhe Anestezion, “Gang Shit”, Stresi përmend disa herë Policinë e Shtetit në vargjet e këngës, ku ndër të tjera thotë “vijmë ju zhdukim prej hartës” dhe “të fala stacionit me daj e halla!”
Sakaq, me anë të postimeve në rrjetin social Instagram, ai ka lajmëruar fansat e tij se aktualisht ndodhet në Britani.
