Një automjeti tip Audi është përfshirë nga flakët në orët e para të mëngjesit.
Ngjarja ka ndodhur në qytetin e Vlorës, në lagjen “Uji i Ftohtë”. Mësohet se salla operative e forcave të rendit ka marrë një telefonatë rreth orës 1:45 pas mesnate, ku është njoftuar se po digjej një automjet.
Nga veprimet paraprake mësohet se mjeti tip Audi, me targa AA 163 RX rezulton në pronësi të një shtetasi nga Tirana, i cili ia kishte lënë në ruajtje dhe përdorim kunatit të tij 25-vjeçar nga Vlora.
Dyshohet se zjarri ka qenë i qëllimshëm, pasi është gjetur lëndë djegëse në pjesën e përparme të makinës, që është dëmtuar plotësisht.
Një grup hetimor po punon për zbardhjen e plotë të rrethanave të ngjarjes.
NJOFTIMI I POLICISE
Më datë 26.11.2017, rreth orës 01:45, Salla Operative Vlorë është njoftuar nga një telefonatë se në lagjen ”Uji i Ftohtë”, ka marrë flakë një mjet.
Policia dhe shërbimi zjarrëfikës kanë shkuar pranë vendit të ngjarjes ku kanë bërë të mundur edhe shuarjen e flakëve.
Nga verifikimi paraprak ka rezultuar se mjeti tip ”Audi” është në pronësi të shtetasit G.R.,banues në Tiranë por ia ka lënë në ruajtje dhe e mban në përdorim kunati i tij shtetasi J.M., 25 vjeç, banues në Vlorë.
Për shkak të flakëve të zjarrit mjeti ka marrë dëmtime plotësisht në pjesën e përparme. Grupi hetimor po punon për sqarimin dhe zbardhjen e plotë të rrethanave të ngjarjes.
