OSHEE bën me dije se 12 persona janë proceduar penalisht, pasi janë kapur duke vjedhur energji elektrike.
Pas kontrolleve të kryera, rezultoi se 12 abonentë nga Tirana dhe Durrësi kanë shkelur ligjin. Sipas rregullores së re, ata do të paguajnë gjobë për kilovatët e vjedhur.
“Kontrollet e kryera nga Departamenti i “Rikuperimit të Humbjeve”, pranë OSSH, gjatë mbrëmjes në qytetet Tiranë dhe Durrës zbuluan 12 raste të vjedhjes së energjisë elektrike, të cilat i janë referuar prokurorisë pas procedimit në prani të policisë. Bazuar mbi rregulloren e ERE, veç procedimit, ndaj 12 abonentëve është vendosur masë administrative për kilovatët e vjedhur”, njofton OSHEE.
