Policia turke ka vënë në pranga një shqiptar të akuzuar për trafik ndërkombëtar droge. Ndalimi i tij u bë në aeroportin “Ataturk” të Stambollit.
Ndërsa gjatë një kontrolli në valixhen e shqiptarit, autoritetet zbuluan dhe sekuestruan rreth 10 kilogramë kokainë. Policia turke e ka identifikuar të arrestuarin me inicialet N.K 48 vjeç.
Ky i fundit kishte mbërritur në Turqi më 2 Maj nga Brazili. Aktualisht policia po vijon hetimet për të zbuluar bashkëpunëtorët e shtetasit shqiptar në Turqi.
