Të udhëtuarit me urban në Tiranë është një makth më vete. Mosndezja e kondicionerëve dhe vonesat e urbaneve janë dy nga ankesat më të shpeshta që kanë qytetarët. Dhe pikërisht për shkak të mungesës së kondicionerit në urbanin e linjës “Tirana e Re”, për pak sa nuk ndodhi një përplasje fizike mes një pasagjeri dhe një kontrolluesi.
Debati mes tyre u zhvillua me tone të larta, dhe pasagjeri refuzonte të bënte pagesën për shkak të mungesës së kondicionerit në urban, ose mos ndezjes së tij nga ana e stafit.
Debati:
Pasagjeri: Çfarë sillesh kështu, sikur ke të drejtë ti more vëlla. Ule kokën dhe vazhdo punën aty.
Kontrolluesi: Mos na trego t’i si do punoj
Pasagjeri: Ta tregoj si ç’ke me të, do me ta tregu me ndonjë formë tjetër? Do ta tregoj me një formë tjetër komplet çfarë jeni si jeni? Ik ore…
Kontrolluesi: Ulu qetësohu.
Pasagjeri: Hajde këtu hajde.
Kontrolluesi: Këtu pra jam.
Pasagjeri: Çfarë bëni kështu që në pikë të mëngjesit, ik tani.. merri në telefon ato dhe thuaj që kanë ankesa qytetarët.
Kontrolluesi: Merre ti more, ja ku e ke numrin merre.
Pasagjeri: Merre pra, pse po me kthehesh mua kot pa lidhje.
Tirana Today
