Policia e Shteti ka reagua lidhur me ndalimin e dy shqiptarëve nga autoritetet italiane. Në një njoftim për media, policia bën të ditur se: “Guardia di Finanza italiane në bashkëpunim me Policinë e Shtetit ka bërë të mundur ndalimin e një mjeti lundrues të përdorur për trafik lëndësh narkotike në afërsi të Brindizit, Itali. Gjatë ndjekjes, 2 skafistët e hodhën ngarkesën në det. Më pas ajo u rikuperua dhe rezultoi se ishte rreth 560 kg marijuanë.
Të arrestuar janë shtetasit G.M., 32 vjeç dhe A.B., 27 vjeç nga Vlora. 2 forcat policore po punojnë bashkarisht për këtë rast, si dhe për të zbuluar bashkëpunëtorë në këtë tentativë trafikimi”.
Pas një ndjekje në det, autoritetet bënë të mundur sekuestrimin e marijuanës. Droga ishte ndarë në 24 pako të mëdha. Mediat italiene shkruajnë se nëse do të nxirrej në treg prej drogës do të përfitoheshin rreth 5 milionë euro.
https://tiranatoday.com/videondjekje-e-cmendur-ne-det-ndalohen-dy-skafiste-shqiptare/
Që nga fillimi i këtij viti nga Guardia di Finanza e Puglia-s janë sekuestruar më shumë se 16 tonë marijuanë, janë arrestuar 39 skafistë dhe janë bllokuar 16 mjete lundruese.
