E keni menduar ndonjëherë të takoni një nga njerëzit më të fuqishëm në botë?
Si do të reagonit po t’i shihnit ata rastësisht në rrugë?
Mbase kur fjala për liderin e Koresë së Veriut, Kim Jong-un, nuk do të ishit shumë entuziastë për këtë takim. Megjithatë, qytetarët e Seulit, kryeqytetit të Koresë së Jugut e kanë përjetuar dicka të ngjashme.
Konkretisht, ata kanë parë sozinë e Kim Jong-un, Dragon Kim dhe reagimet kanë qenë nga më të ndryshmet.
Dragon Kim, personi që e imiton liderin koreano-verior, shprehet se ka 4 vjet që e imiton Kim Kong-un. Sipas tij, e gjitha nisi kur ai ishte në ushtri dhe të gjithë i thoshin se kishte një ngjashmëri të madhe me Kim Jong-un.
“Prandaj bleva kostumet dhe rregullova pak flokët”, thotë ai për BBC.
“Njerëzit më pëlqejnë për atë që bëj. Sepse ata nuk më shohin si një njeri që bëj politikë. Ata e kuptojnë që unë e bëj këtë vetëm për qejf, prandaj njerëzit e pëlqejnë këtë gjë”, shprehet Dragon Kim. Ai tregon edhe raste kur njerëzit e kanë besuar vërtet se ai është Kim Jong-un. Prandaj, shumë njerëz i kërkojnë të bëjnë foto me të, ndërsa të tjerë edhe e kanë kërcënuar madje kanë tentuar ta godasin, duke i thënë se ai nuk duhet të jetë në vendin e tyre. TIRANA TODAY
