Kreu i PD-së, Lulzim Basha ka bërë një deklaratë të ashpër ndaj kreut të qeverisë Edi Rama se pikërisht dje në ditën e rekomandimeve për Shqipërinë drejt rrugës Evropiane, ai mbështeti Sajmir Tahirin.
“Më shqetësuese nga gjithçka është vënia nën kontroll e Prokurorisë nga Edi Rama. Së dyti duhet thënë se Shqipëria ka të ardhme. Marrja e rekomandimit e ka gjetur Shqipërinë më të izoluar se kurrë.
Madje disa vende duan t’u kthejnë vizat e shqiptarëve. Ndërsa nga ana tjetër e vetmja marrëveshja që ka nënshkruan me Francën është sjellja e policive francezë në kufi për të penguar largimin e shqiptarëve. E vetmja marrëveshje që ka bërë me Gjermaninë dhe me Holandën është kthimi sa më i shpejtë i shqiptarëve në vend. Kjo është pra qeveria e krimit.
Ndërsa në ditën e rekomandimit të hapjes së negociatave, Rama pati pafytyrësinë që të mbronte Sajmir Tahirin, dhe tha se ishte standardit që e mbron atë.
Kjo sallë sot me Sajmir Tahirin brenda dhe me kuksianët në burg, këta janë pengesa dhe barriera kryesore për Shqipërinë Evropiane” tha Basha.
