Kryeministri i Kosovës, Ramush Haradinaj ka folur mbrëmë serbisht.
Në një takim me të gjithë kryeministrat e Ballkanit Perëndimor në Bruksel, Haradinaj zgjodhi që t’i fliste serbisht kryeministres së Serbisë, Ana Bërnabiç.
Kështu, teksa ka shtrënguar duart me të pranishmit, Haradinaj ka zgjedhur që ta përshëndesë kryeministren serbe në gjuhën e saj.
Pasi ka përshëndetur Federica Mogherinin në gjuhën angleze, Haradinaj më pas ka shtrënguar duart me kryeministren serbë, të cilën e ka përshëndetur me fjalët “Dobro veçe”, që në shqip ka kuptimin “Mirëmbrëma”.
Ky veprim i Haradinajt duket se është simbol i një ftese për bashkëpunim dhe paqe mes dy shteteve, ndërsa nga ana tjetër, Bërnabiç është treguar mjaft e ftohtë, teksa nuk ka folur, por është mjaftuar me një zgjatje dore.
