Në një takim të mbajtur gjatë pasdites së sotme me qytetarët në Gjirokastër, Rama ka hedhur një lum akuzash ndaj kundërshtarëve të tij, të cilët jo më larg se dje dogjën mandatet.
Kryeministri Rama la të nënkuptohej se Basha e Kryemadhi kërkojnë që ti trajtojnë qytetarët për budallenj, ti tërheqin prej hunde, për të djegur imazhin e Shqipërisë në sytë e botës.
“Kjo është një betejë që vazhdon. Ne kemi bërë jo pak për Gjirokastrën, për të gjitha Bashkitë. Besoj se mund të bëjmë më shumë. Unë dua ti siguroj të gjithë se jam i vetëdijshëm se asnjë kategori shoqërore, asnjë grup interesi, asnjë që sot kontribuon në radhët e shërbëtorëve të shtetit që nga infermierët tek mësuesit, nuk ka arsye që të jetë i lumtur, por ama cilido prej tyre ka të gjitha arsyet për të vazhduar të mbështetet tek fuqia transformuese e PS.
Po flisja me miqtë më parë, dhe po i thosha ne bëmë fushatën kuq e zi, me dy ngjyra, me ngjyrat e flamurit kombëtar, morën një mandat për të qeverisur për të gjithë shqiptarët, ne sikur ndollëm se do të mbanim të gjithë barrën që i takon të zgjedhurve për të përfaqësur jo vetëm ju, por edhe ata të tjerët që ia dhanë votën e janë jetim.
Dhe mbi të gjitha janë jetim të cilët kërkojnë ti marrin për budallenj, ti tërheqin prej hunde, për ti vënë flakën atyre që janë ndërtuar dhe për të djegur imazhin e Shqipërisë në sytë e botës, një imazh që u përmirësua, që çdo vit turizmi po rritet në mënyrë të jashtëzakonshme.
Këta duan që të përdorin si mish për top ata që i trashëguan, që ia morën votën, për të luftuar për një progam që se kanë dhe për ti mbrojtur nga padrejtësitë që jo vetëm nuk i mbrojnë dot, po nuk i kanë shkuar ndër mend. Ne sot kemi bërë shumë, shumë më tepër kemi për të bërë. Nga dita e parë që ju kemi thënë na jepni votën, për të qevrisur bashkë me ju, ne jemi përpjekur për të qeverisur bashkë me ju”, deklaroi Rama.
TIRANA TODAY
