Vendin është tërësish nën pushtetin e ujit. Situata alarmante si pasojë e përmbytjeve nga reshjete e pandërprera të shiut është krijuar në disa zona, si në Fushë-Krujë, autostrada Tiranë -Durrës, Kamëz, Thumanë etj.
Ndërkohë pjesa Durrës-Tiranë nuk kalohet ende. Mëngjesin e sotëm Emergjencat Civile njoftojnë për gjendje shumë të rënduar në Thumanë nga përmbytjet. “Situata aktualisht në Thumanë. Autostrada e pakalueshme”- shkruajnë Emergjencat, bashkëngjitur me këtë video.
Gjatë natës, të paktën 50 forca të ushtrisë shkuan pranë banoreve të Fushë- Krujës që ishin pushtuar nga uji dhe prisnin të evakuoheshin.
Ministria e Mbrojtjes bën me dijes e ata janë ndihmuar të gjithë dhe janë evakuuar banoret që ishin e rrezik. Forcat e Armatosura kanë evakuuar 23 persona në zonën e lixhave në Krujë, banesat e të cilëve ishin përfshire nga uji pas përmbytjeve të mëdha gjate natës.
Ministria e Mbrojtjes bën me dije se operacioni i evakuimit të banoreve që ishin në rrezik ka përfunduar në orën 06:00 të mëngjesit. Mes 23 personave që u evakuuan është edhe një foshnjë 5 -mujashe.
