Në Düsseldorf të Gjermanisë ka nisur një peticion për të parandaluar dëbimin e planifikuar të një infermiere nga Shqipëria. 28-vjeçarja shqiptare Rolanda Lamnica kishte aplikuar për azil, por kërkesa e saj është hedhur poshtë. Tani ajo duhet të kthehet në vendin ku ka lindur. Por, ajo ka bërë një sërë trajnimesh dhe është e aftë për vendin e punës.
Henric Peeters, CEO i Caritas Dusseldorf, në një intervistë për portalin online domradio.de ka folur me shumë keqardhje për rastin.
“Ajo ka pranuar vetë se i pëlqen të punojë si një infermiere për të moshuarit. Ajo e ka mësuar në mënyrë të shpëlqyer gjuhën gjermane, ka nota të mira dhe është trajnuar për kujdesin shëndetësor ndaj të moshuarve. Ajo është përshtatur dhe integruar me sukses”.
Ai më tej është shprehur se presin një përgjigjej nga Ministria e Çështjeve Sociale. “Kjo është arsyeja pse ne kemi nisur peticionin për ta kthyer çështjen në Parlament”.
Peticioni online: “Ne kemi nevojë për ti ardhur në ndihmë Rolanda Lamnicës” mund të arrihen dhe të nënshkruhen në platformën e internetit “Peticion i hapur”. Mbledhja e nënshkrimeve, e cila filloi më 8 korrik, do të vazhdojë për rreth katër javë.
https://tiranatoday.com/infermierja-shqiptare-kercenohet-me-debim/
