Një gomone e nisur nga Shqipëria, e cila në bord kishte gjysmë ton kanabis është ndaluar nga autoritete italiane në zonën e San Marinos.
Në sajë të operacionit të koduar “Themis2018”, në pranga kanë rën edhe dhe dy trafikantët shqiptarë, të cilët ndodheshin në bordin e gomones. Ata janë identifikuar si S.K. 45 vjeç dhe S.F. 34 vjeç.
Gomonia u ndalua mbrëmjen e së shtunës, ndërsa lajmi është bërë i ditur vetëm mëngjesin sotëm. Autoritetet sekuestruan 500 kg kanabis gjatë operacionit anti-drogë që u zhvillua nga deti dhe nga ajri, me ndihmën e helikopterëve të Frontex.
Gomonia ishte 7 metra e gjatë dhe me motor të fuqishëm 200 kuaj. Trafikantët tentuan të arratiseshin dhe ndjekja u zhvillua për disa orë në det në kushte të këqija atmosferike. Sipas hetuesve italianë, vlera e kanabisit përllogaritet në rreth 5 milionë Euro nëse do të shitej me pakicë. Në këtë operacion ka bashkëpunuar edhe policia shqiptare. TIRANA TODAY
