Mediat italiane kanë publikuar pamjet e para nga vendi ku u gjet i pajetë, pranë motorit të tij 18-vjeçari shqiptar Berbieri. Ky i fundit prej 9 ditësh rezultonte i zhdukur dhe familja kishte nisur kërkimet personale, edhe derë më derë tek fqinjët në shtëpinë ku ai jetonte.
Megjithatë, sipas mediave italiane, ende ka shumë dyshime rreth dinamikës së saktë të asaj që ndodhi. Fatkeqësisht, vetëm identifikimi i të riut është i sigurt, pjesa tjetër, mbetet të përcaktohet. Shkaqet dhe dinamika se si përfundoi jashtë rruge, në një aksident që duket se i mori jetën të riut teksa kthehej në shtëpi pasi kishte mbyllur turnin në restorantit ku punonte.
E pikëpyetjet ngrihen edhe më shumë për shkak se Mateo e njihte shumë mirë këtë rrugë, sepse e bënte çdo mbrëmje, për të shkuar në shtëpi.
Për miqtë e tij është e vështirë të besohet se Mateo ka gabuar dhe ka dalë nga rruga. Dhe mbi të gjitha, si ka mundësi që celulari i tij ishte ende i arritshëm edhe një ditë pas aksidentit? Ka edhe një të dhënë tjetër në celularin e të riut që ka ngritur dyshime rreth kujt që mund ta ketë përdorur telefonin e tij pas aksidentit. Hetimet për gjurmët në motorin e djalit mund të hedhin dritë mbi të vërtetën.
