Policia e Kosovës është deklaruar për raportimet se personi i dyshuar për përfshirjen e vrasjen e Oliver Ivanoviqit të jetë Millan Radojçiq. Zëvendëskomandanti i PK-së për rajonin Veri, Besim Hoti, ka thënë se Policia do të veprojë konform autorizimeve të Prokurorisë së Shtetit.
“Askush s’ka thënë që pritet të arrestohet (Milan Radojçiç). Në asnjë element nuk presim të ndërhyjmë në punën e prokurorëve. Hetuesit policorë punojnë nën autorizimin dhe çdo veprim vjen nga autorizimet e prokurorëve”, ka thënë ai për indeksonline.
Hoti theksoi se organet e sigurisë në asnjë aspekt s’guxojnë të spekulojnë dhe paragjykojnë për raportimet e tilla.
Bashkëshortja e Oliver Ivanoviqit, Milena Popoviç Ivanoviç, deklaroi para disa ditësh se “Dihet kush e ka bërë vrasjen, por ata që e kanë bërë këtë duhet ta dinë se kjo nuk do të mbyllet aq lehtë”.
Vlen të theksohet se mbi Ivanoviqin atentatorët shtinë nga rruga, e pastaj ikën me veturën e tipit “Opel Astra”, të cilën e kanë djegur.
Një pjesë e publikut serb dhe shqiptar beson se pas vrasjes së Oliver Ivanoviqiç, mund të qëndrojë mafia. Kjo tha publikisht nga Rada Trajkoviç, kryetare e OJQ-së Lëvizja Evropiane dhe ish-deputete në Kuvendin e Kosovës, e cila gjithashtu përmendi një emër.
“Nëse do të thonim ‘Veriu është i lirë’, është larg lirisë. Sidomos pas Marrëveshjes së Brukselit, kur fuqia e vërtetë ushtrohet nga Milan Radojçiç, i cili njihet ndërkombëtarisht si njeri i mafies dhe ka një ndikim të fortë në rajon. Ai kontrollon jetën e plotë në veri, përcakton të mirën dhe të keqen” – tha Trajkoviç.
Ajo vuri në dukje se mafia nuk është as serbe, as shqiptare, por bashkëpunon shumë ngushtë me dy kombësive.
“Është e habitshme për mua që kryeministri Ramush Haradinaj, i cili e njeh këtë terren, flet publikisht me Radojcikun që në thelb organizon projekte për serbët në Kosovë. Ky Kryeministër e vë atë në një pozitë për ta parë mafien si një negociator legjitim”,– vlerësoi ajo.
Vetë Oliver Ivanoviç e quajti në mënyrë indirekte Radojçiç, si një kriminel në veri të KiM disa muaj para vdekjes së tij.
