“Lirimi nga burgu i Ermal Hoxhës, pjesë e grupit të trafikantëve të Xibrakës është i papranueshëm, jo vetëm për PD-në, por për shumicën e shqiptarëve që duan tolerancë zero në luftën kundër krimit”. Kështu ka deklaruar sot nga selia blu deputeti i PD-së, Ervin Salianji.
“Shqiptarët duhet ta dinë se trafikanti Ermal Hoxha është liruar nga burgu për një arsye, ai ka mbrojtje direkte të Ramës. Duke mbrojtur Ermalin, Rama mbron vëllanë e tij, që është garanti kryesor i ndërtimit të fabrikës së kokainës 4 vjet më parë. Kushtet u përgatitën një vit më parë kur bandës iu ul dënimi me disa vjet. Lirimi me urdhër të Ramës i trafikantëve të drogës është thikë pas shpine edhe për partnerët tanë ndërkombëtarë”- tha ai.
