Një video e cila përmban pamje shqetësuese dhe të frikshme është bërë virale!
Bëhet fjalë për videon në të cilën shfaqen kartelet meksikane të drogës teksa sfidojnë hapur qeverinë.
Dhjetra të armatosur qëndrojnë pranë automjeteve të blinduara, me inicialet e kartelit të drogës Jalisco në Meksikë.
Ata dëgjohen duke bërtitur se janë ‘njerëz të Mencho’, një pseudonim i përdorur nga shefi i Jelisco New Generation Cartel, Nemesio Oseguera.
Ndërkohë raportohet se zyrtarët e lartë të vendit kanë filluar hetimet.
Siç mund ta shikoni në videon e mëposhtme, disa nga të armatosurit kanë mitralozë dhe snajpera të kalibrit 50, ndërsa numërohen rreth 20 autoblinda të parkuara në rrugë.
Zyrtari i lartë i sigurimit të Meksikës, Alfonso Durazo, tha se videoja po analizohet për të konfirmuar nëse është autentike dhe kur është bërë: “Nuk ka asnjë grup kriminal që ka aftësinë të kundërshtojë forcat federale të sigurisë”.
Videoja u bë publike ditën kur Presidenti Andrés Manuel Lopez Obrador vizitoi shtetet e Guanajuato, Jalisco dhe Colima, të njohura si “fortesat” e kartelit.
“Ata po dërgojnë një mesazh të qartë … që në thelb sundojnë Meksikën, jo Lopez Obrador”, tha Mike Vigil, një ish-shef i operacioneve ndërkombëtare për Administratën e SHBA për Zbatimin e Drogës.
