Tashmë vetëm një ditë na ndan nga zgjedhjet vendore të 30 qershorit. Kujtojmë se situata politike në vend është tej mase e tensionuar… Basha është shprehur i vendosur për të mos hyrë të zgjedhje, ndërsa nga ana tjetër, Kreu i Shtetit Ilir Meta ka caktuar si datë të re zgjedhjesh, 13 tetorin.
Ndërkohë kryeministri Rama ka zgjedhur ta marrë përsipër riskun që të shkojë i vetëm në zgjedhje, dhe vlen të theksohet fakti se janë zhvilluar protesta në disa KZAZ të vendit. Përplasjet mes militantëve të PD-së dhe policëve kanë qenë dhe vazhdojnë të jenë të ashpra, mirëpo e dini se çfarë po bën Rama një ditë para zgjedhjeve?
Ai ka publikuar një video ku shfaqet duke notuar në bregdetin e jugut. Ditën e djeshme Rama mbylli fushatën elektorale në Vlorë dhe si duket ka vendosur të shijojë një ditë relaksi në qytetin turistik.
