Një familje shqiptare në Francë i është refuzuar kërkesa e azilit. Mbrëmë mbi 100 persona janë ngritur në protestë, për të mbështetur familjen Mitaj, dhe i kanë kërkuar prefekturës që kërkesa për dëbim të hidhet poshtë.
Çifti shqiptar dhe dy fëmijët e tyre, të moshës 16 dhe 10, aktualisht u është thënë se duhet të lënë shtetin francez, pavarësisht se jeta e tyre është në rrezik nëse detyrohen të kthehen në venin e origjinës. Vajza më e madhe e familjes, Amarilda, e cila vitin që lamë pas i kishte përfunduar studimet me rezultate të larta, gëzon mbështetjen e shokëve dhe mësuesve të Kolegjit Pons, raporton lindependant.fr.
Si ndiheni kur shihni të gjithë këta njerëz të mbledhur për të mbështetur ju?
Më bëjnë të ndihem shumë të lumtur! E kuptoj që nuk jam vetëm, se kam shumë mbështetje. Jam e befasuar që ka kaq shumë njerëz.
Çfarë do të bëni nëse merrni letra?
Unë do të vazhdoj shkollën. Qëllimi im i vetëm është të arrij të qëndroj këtu. Kam shumë ëndrra … Do të doja të bëhesha një mësuese matematike. Nëse marr letrat, babai im do të donte të ndërtonte shtëpi, ashtu si ai më parë, në Shqipëri.
Si e keni mësuar kaq shpejt frëngjishten?
Me të vërtetë doja ta mësoja këtë gjuhë. Ishte një nga ëndrrat e mia qysh kur ishte e vogël. Jam shumë i lumtur që jam këtu. Shpresoj që prefekti të ndryshojë mendjen.
Marjana dhe Kastriot Mitaj shkuan në Francë dy vite më parë, së bashku me dy fëmijët e tyre për shkak se në Shqipëri u kërcënohej jeta. Vajza e tyre e madhe, Amarilda përfundoi shkollën me rezultatet të shkëlqyera. Ndërsa mësuesit francezë thonë se çifti Mitaj është gjithmonë korrekt në takimet që mbahen me prindërit në shkollë, dhe nuk mungon në asnjë prej tyre.
Pavarësisht se babai i saj kërcënohet me vdekje në vendin e tyre, Zyra Franceze e Pritjes së Refugjatëve ka refuzuar kërkesën për azil të familjes Mitaj. Në një stituatë të tillë, në mbrojtje të tyre ka dalë edhe Kisha Katolike në vend. Peshkopi i Perpignan-Elne, Monsinjor Norbert Turini i ka dërguar një letër Prefekturës, duke mbështetur kërkesën për azil të familjes Mitaj. Gjykata Kombëtare e Azilit duhet të shqyrtojë apelin e fundit dhe të marrë parasysh faktet e kërkesës për azil.
/TIRANA TODAY/
