Kreu i Bashkisë Lezhë, Fran Frrokaj do të lërë qelinë e burgut. Gjykata e Lezhës ka caktuar sot masën e sigurisë “arrest shtëpie” për të, duke rrezuar masën e parë, atë të arrestit me burg.
https://youtu.be/V3fz5ZNdmQE?t=56
Ai dhe 11 zyrtarët e tjerë të arrestuar për abuzime me pronat dolën sot para gjyqit për rivlerësimin e masës së sigurisë. Para nisjes se seancës forca policie kanë rrethuar gjykatën, në kuadër të marrjes së masave të sigurisë.
Ata u arrestuan të premten, nën akuzat për tjetërsim pronash. Ata dyshohet se me anë të dokumenteve të falsifikuara kanë shndërruar sipërfaqe të mëdha toke, nga tokë shtetërore në tokë arë dhe pemtore dhe e kanë regjistruar në Hipotekë duke e përfituar padrejtësisht.
Për të njëjtën çështje, policia ka shpallur në kërkim 11 zyrtarë dhe persona të tjerë.
Arrestimi i tij u cilësua si politik dhe që ka lidhje me zgjedhjet e ardhshme lokale. Hetimet që çuan në arrestimin e Kryebashkiakut të Lezhës dhe te 11 zyrtarëve nisën në vitin 2017 kur një qytetar, Pjeter Prela iu drejtua Prokurorisë së Përgjithshme me një kallëzim për tjetërsimin e sipërfaqes së tokës në Shëngjin, në vendin e quajtur ‘Rana e Hedhun’.
Prokuroria regjistroi procedimin penal në shtator të të njëjtit vit me akuzën e falsifikimit të dokumenteve, ndërsa në 16 shkurt 2018 ngriti akuzën për shpërdorim detyre ndaj zyrtarëve që ishin në hetim.
Sipas prokurorisë, të akuzuarit, me dokumente të falsifikuara kanë shndërruar sipërfaqe të mëdha tokë nga tokë shtetërore në tokë arë dhe pemtore dhe e kane regjistruar ne Hipotekë duke e përfituar padrejtësisht. Për të njëjtën çështje, policia ka shpallur në kërkim 11 zyrtarë dhe persona të tjerë.
