Shumë detaje nga protesta e sotme e opozitës mund t’u kenë ikur pa u parë. Pjesë e saj përveç politikanëve kanë qenë edhe persona të tjerë publikë. Një ndër to ka qenë edhe reperi i njohur Arkimed Lushaj, i njohur me emrin e artit Stresi.
Ai shpesh ka qenë pjesë e skandaleve dhe ka pasur probleme me drejtësinë në vend. Nëpër video që poston në rrjetet e tij sociale, ai sfidon hapur policinë, por këtë herë mesa duket nga videot me poshtë i ka dalë në mbrojtje.
Ndërsa shumë militantë të opozitës kërkonin të përplaseshin me policinë përpara Kryemisnitrisë dhe Ministrisë së Brendshme, reperi ka ndërhyrë duke qetësuar protestuesit dhe është parë të normalizojë situatën. Ai u ka dalë në mbështete deputetëve të PD-së, si Ervin Salianji dhe Bardh Spahia, të cilët gjithashtu janë përpjekur gjatë gjithë kohës që të qetësonin tensionet.
Ndërsa të tjera momente nga protesta, janë kapur nga syri i fotografit Agim Rama, i cili ka postuar disa foto në “Facebook”, të cilat keni mundësinë t’i shikoni më poshtë.
