Humbjes së Shqipërisë vazhdon ti bëhet jehonë, jo për paraqitjen e kuqezinjve në fushë, por për atë gol të pësuar. Një gol që u asistua nga portieri izraelit dhe që e gjeti mbrojtjen tonë në gjumë, është kthyer në temë diskutimi.
Këtë radhë, ka qenë vetë faqja zyrtare e FIFA-s, ajo e cila ka bërë një përmbledhje të javës në shifra. Kështu, një ndër pikat që është përmendur nga FIFA, është edhe asisti që portieri i Izraelit dha ndaj Shqipërisë.
“69 metra ishte distanca e jashtëzakonshme e pasimit që dha portieri Ariel Harush duke e çuar topin në këmbët e Tomer Hemerit, për të shënuar golin e avantazhit ndaj Shqipërisë. Goli erdhi vetëm 7 sekonda pas goditjes së topit nga portieri 30-vjeçar”, shkruhej në postimin e FIFA-s.
