Pasuria prej 5 mln euro e sekuestruar sot i takon dy shqiptareve të arrestuar më 30 prill në Spanjë, të dyshuar si drejtues të një organizate mafioze, që merrej me trafikun e kokainës nga Kolumbia.
Në pranga u vunë dy persona, njeri prej te cilave përdorte 5 identitete të ndryshme.
“Arjan Ndoci, alias (Dritan Gradica, Ardjan Noka, Mondi Prenga, Mond Gjoni, Don Gjoni,) 41 vjeç, lindur dhe banues në Laç Kurbin”- është njeri nga të arrestuarit, ndërkohë që tjetri është Julian Deblini (Bedlini), 35-vjeç, lindur dhe banues në Lezhë.
https://tiranatoday.com/fotonga-valixhet-e-zeza-tek-milionat-ja-si-transportonin-shqiptaret-kokainen-nga-kolumbia-ne-spanje/
Në kohën e arrestimit, mediat lokale, duke iu referuar burimeve nga Policia, thanë se dy shqiptarët kanë përgatitje ushtarake dhe mendohet se kanë marrë pjesë në luftimet në Ballkan. Duket se në këtë rast i referohen luftës së Kosovës.
Sipas të dhënave të publikuara nga mediat spanjolle, që i referohen burimeve nga Policia lokale, droga kalohej në valixhe të mëdha me ngjyrë të zezë. Gjithçka kamuflohej me shërbimet e një kompanie, që merrej me transport mallrash.
https://tiranatoday.com/fundoset-mafia-e-kokaines-ne-spanje-ja-kush-jane-dy-kapot/
Ndërsa valixhet e mbushura me kokainë dhe para transportoheshin nga Kolumbia në Spanjë përmes fluturimeve me charter. Gjatë operacionit u arrestuan 5 persona, 2 shqiptarë, 2 spanjollë dhe një kolumbian që drejtonte linjën e trafikut në nisje. Ndërsa në mbërritje gjithçka kalonte në dorën e dy shqiptarëve, njëri prej të cilëve konsiderohet nga Policia spanjolle si kreu i grupit. Shqiptari tjetër i arrestuar ishte krahu i tij i djathtë.
OPERACIONI: Hetimet për zbulimin e organizatës që trafikonte kokainë kishin nisur prej muajit nëntor. Pas disa verifikimesh, oficerët e Antidrogës ranë në gjurmët e organizatës kriminale të drejtuar nga shqiptarë që jetonin në Spanjë.
https://tiranatoday.com/detaje-te-reja-nga-hetimi-per-drogen-ne-spanje-pse-bosi-julian-gjoka-ndryshoi-mbiemrin/
Oficerët e Policisë spanjolle në bashkëpunim me atë kolumbiane dhe DEA-n kishin mundur të zbulonin se krerët e grupit ishin zhvendosur në Spanjë me qëllim që të krijonin aty një pikë hyrëse të drogës në Evropë.
https://tiranatoday.com/videofotoshqiperia-hap-portat-per-kolumbine-krimineleve-u-buzeqesh-fati/
Hetuesit arritën madje të binin në gjurmët e një ngarkese lëndësh narkotike, e cila po ruhej në Madrid për t’u shpërndarë më vonë. Në këtë kohë u zbulua se kokaina ishte fshehur në disa valixhe të mëdha, me ngjyrë të zezë.
