Policia britanike ne gusht ka vënë në pranga një 29-vjeçar, shqiptar pas një aksioni të gjatë. I ndaluari është Olsi Dama, i cili kishte ngritur në këmbë gjithë qytetin Plymouth.
Ai është parë të shiste kokainë në një park makinash në Plymouth, përpara se policia të niste një aksion të madh për kapjen e tij, shkruan plymouthherald.co.uk.
Olsi Dama, 29 vjeç, u arrestua në mes të ditës në parkun e makinave B & Q, por kishte tentuar të largohej nga vendi i ngjarjes duke u ndihmuar nga një bashkëpunëtorë.
Joe Burkett, 27 vjeç, tashmë është burgosur, pasi në tentim për t’u arratisur ai kishte përplasur një automjet të policisë.
Dama, me qëndrim në Palmers Green, Londër, u arrestua në orën 4 të mëngjesit më 14 gusht me një kilogram kokainë që arrinte vlerën prej 100,000 euro.
Duke folur nëpërmjet një përkthyesi, ai u deklarua fajtor nga gjykata në për posedim të drogës.
Gjyqtari Peter Johnson e shtyu seancën e gjykimit për shqiptari, dhe seanca e radhës do të mbahet me 8 tetor.
“Kjo është një shkelje e rëndë dhe në çdo version, duhet të presësh një dënim burgu”, i tha gjyqtari shqiptarit, i cili tashmë është në paraburgim. Ai mund të dënohet me burg, deri në 12 muaj.
Michael Green, avokati mbrojtës i shqiptarit është shprehur se klienti i tij ishte një emigrant i paligjshëm, i cili ka pranuar veprën penale. Sipas tija ai punonte në një restorant në Londër.
Green tha se shqiptarit i ishte bërë preson nga disa persona të tjerë që të dërgonte drogën në park.
Ndërsa bashkëpunëtori i tij Burkett, nga Linton Close, Tamerton Foliot, u deklarua fajtor për ngjarjen e të rrezikshme, pasi përplasi makinën e policisë dhe është dënuar me 8 muaj burg.
Ai kishte goditur makinën e policisë me mjetin e tij tip “Audi”, në parkun e makinave në Tavistock Road./TIRANA TODAY/
