Mediat italiane kanë dhënë më shumë detaje në lidhje me operacionin “Shefi” që u krye në orët e para të së mërkurës nga autoritetet italiane dhe në bashkëpunim me policinë shqiptare, ku u goditën dy organizata kriminale në disa zona të Italisë. Ata shkruajnë se operacioni është kryer në bashkëpunim me karabinierët, Policinë Kombëtare, Guardia di Finanza, DIA, Interpol Tirana dhe Policinë e Shtetit shqiptarë, pjesë e operacionit “Shefi” ishte Prokuroria Antimafia e Barit, ku mori masa paraprake kundër 43 personave, 20 prej të cilëve ishin shqiptarë, shkruan Tirana Today.
Gjithashtu bëhet e ditur se rezultati i këtij aksioni vjen nga puna dy vjeçare e hetimeve që po bëheshim për dy organizatat kriminale që vepronin në Bari dhe krahinat e saj, por me degëzime në Shqipëri, Sicili, Campania, Kalabri dhe Abruzzo.
Hetimet kanë bërë të mundur që të konstatohet se të dy organizatat kriminale kishin një interes të përbashkët në Itali me organizatat kriminele të ngarkuara me detyra logjistike dhe kishin lidhje me Shqipërinë dhe organizatat kriminale atje, përgjegjëse për prodhimin, paketimin, klasifikimin dhe transferimin e drogës nëpërmjet aksit Shqipëri-Puglia-Territori Kombëtar, raporton cronachedellacampania.it.
Më shumë se 2300 kilogramë drogë janë sekuestruar, të llojit marijuanë, kokainë dhe heroinë. Droga e sekuestruar po të dilte në treg do të arrinte vlerën e 15 milionë eurove dhe do të ndahej në 7 milion doza individuale të shitura në tregun e pakicës.
Hetuesit e DIA-s, tregon në lidhje me sasinë e madhe të substancave narkotike, kanë monitoruar furnizimin, i cili ka ndodhur gjithmonë nga Shqipëria dhe se transporti ndërkombëtarë ka ndodhur nga “deti”, duke përdorur anijet e posaçme të aksit Shqipëri-Puglia, depozitat ishin të vendosura në Bari dhe periferi dhe transporti bëhej nga Puglia për në territorin kombëtarë nëpërmjet transportuesve italianë.
DIA përshkruan disa nga aksionet që u bënë në kuadër të operacionit “Shefi”, në rrethin Carrassi në Bari, ndodhej një magazinë për ruajtjen e drogës, ku ka identifikuar një shtetas shqiptarë, i cili ishte në krye të një prej organizatave kriminale, hetimet komplekse u kryen me anë të përgjimeve telefonike, mjedisore, video-xhirime dhe ndër të tjerash u bë ndalimi në det, me mbështetje të Departamentit të Forcave Ajrore të Guardia di Finanza, ku dy kontrabandistë nga Shqipëria u kapën me më shumë se një ton drogë.
Një tjetër sasi e madhe marijuanë ishte sjell pak më parë nga Shqipëria dhe u ndalua në autostradë. Dy korrierë italian u ndaluan me 13 kg drogë të destinuar për Salerno dhe Tortoreo. Dy shqiptarë të tjerë u kapën me 8 kg drogë në Sicili, dhe një depo tjetër u gjet, brenda të cilës u kapën më shumëse 50 kg drogë dhe një pako me kokainë të pastër. TIRANA TODAY
