Çiljeta Xhilaga është një nga këngëtaret më të dashura shqiptare, e cila tërheq shpesh herë vëmendjen e mediave me jetën e saj private. Ndonëse ajo përpiqet që ta mbaj atë në privatësi prej kohësh është komentuar se këngëtarja është në një lidhje me portierin e skuadrës së ‘Partizanit’ Alban Hoxha.
Çifti nuk e ka pranuar publikisht lidhjen e tyre, por ata janë kapur shumë herë së bashku dhe duket se marrëdhënia e tyre është duke u përforcuar dita ditës. Këtë gjë e tregon edhe video që Çiljeta ka publikuar së fundmi në instastory, ku ka treguar ndikimin që ka Albani tek djali i saj Fernando.
Siç duket nga pamjet Fernando është duke ecur në hapat e portierit të njohur, pasi një nga pasionet e tij është futbolli. Ai shihet duke bërë stërvitje dhe lëvizjet e tij tregojnë shumë për të ardhmen e vogëlushit, pasi duket qartë që me siguri ai do bëhet një futbollist shumë i njohur si Albani.
