Zbardhen të tjera detaje në lidhje me ekzekutimin e Bardhok Pllanajt, të njohur ndryshe dhe me nofkën ”Kumbari i Shkodrës”.
”Ora News” ka siguruar një foto ku tregohet qartë se autorët kanë ndjekur automjetin tip ”Range-Rover” që drejtohej nga Planaj.
Ai shfaqet 50 metra pasi kishte dalë nga banesa e tij në Dobraç, dhe është drejtuar për në fshatin Koplik.
Makina tip “Volsvagen Pasat” që shihet në foto, është vetëm 5 metra larg nga shënjestra Bardhok Planaj, i cili pas këtij momenti do të ndodhej përballë zjarrit të 2 grykave të automatikëve kallashnikov.
Në pamjet filmike, dallohet qartë se autorët, pozicionohen në krahun e majtë të makinës së Planaj dhe në një distancë shumë të afërt, kanë hapur zjarr në mënyrë të befasishme dhe sistematike, duke sjellë vdekjen e menjëhershme të Planaj.
Pikërisht, ky automjet tashmë po analizohet nga policia dhe prokuroria e Shkodrës, për të mësuar intenerarin e lëvizjes në Shkodër.
