Lajmi për arrestimin e reperes Loredana Zefi në Zvicër bëri bujë të madhe, e sipas raportimeve gjithçka ka nisur nga vëllai i saj e më pas mashtrimi ka vijuar nga vetë Loredana, e cila është shtirur si një avokate.
Sipas gazetës zviceriane “20 Minuten”, dëmi ndaj çiftit ka shkuar në 900.000 franga. Mbrëmë Loredana është marrë në pyetje, ndërsa sot thuhet se është liruar.
Vetë vëllai i Loredanës ka reaguar duke hedhur poshtë atë që thuhet në media.
“Po të ishte kjo krejt e vërtetë çka po shkruhet në medie, unë nuk do të isha sot në liri më 8 maj 2019. Këto janë rrena, këto janë fjalë të fëlliqta. Ata që na kanë inati…”, shprehet ai duke e lënë fjalën përgjysmë.
