Tërmeti i 26 nëntorit i cili tronditi vendin la dëme të shumta pas. Mijëra banesa në Tiranë, Durrës, Laç, Lezhë, Krujë etj pësuan dëme të shumta, ku shumë prej tyre u shpallën të pabanueshme.
Të njëjtin fat patën edhe 3 godina në Qytetin Studenti, të cilat ishin populluar nga familjarë të cilët paguanin një qira vjetore. Pas inspektimit nga Bashkia e Tiranës, godinat u shpallën të pabanueshme dhe filloi në mënyrë imediate edhe procesi për shembjen e tyre. Por nga pamjet e siguruara nga News 24 në godinën 18, nuk duket të ketë asnjë lloj dëmtimi që mund të tregojë se banesa është në të vërtetë e pabanueshme.
Objekti 4-katësh i ndërtuar në vitet 70’ me tulla silikate nuk shfaq dëmtime të dukshme as në fasadën e jashtme, siç tregojnë pamjet. Dëmtimet e vetme duken të jenë bërë pas evakuimit të banesës, ku kabllot elektrikë janë shkulur nga muri.
