Një ngjarje e rëndë është regjistruar në Tenesse, SHBA, teksa punonjësi i një restoranti ka rrahur brutalisht një kliente.
Punonjësi i restoranti Popeyes është arrestuar, pasi është filmuar nga kamerat e sigurisë duke sulmuar klienten në oborrin e lokalit. 29-vjeçari, Deriance Ra’Shaiel Hugher ishte grindur me 55-vjeçaren, Debra Stegs, rreth faturës së ushqimit që ajo kishte konsumuar.
Ai është arrestuar nga policia nën akuzën për sulm fizik ndaj 55-vjeçares. Zyra ligjore që përfaqëson të lënduarën, tha se ajo kishte kërkuar llogarinë nga punonjësi, i cili ia kishte faturuar dy herë të njëjtin ushqim. Fatura në total shkonte 13 dollarë.
Si pasojë e sulmit, Staggs ka mbetur me njërën këmbë të thyer, nëntë qepje në gju dhe gjashtë tjera në brinjë. Raportohet se asaj i duhen muaj të tërë për rehabilitim të plotë.
