Pas protestës së dhunshme sot në Shkodër, ka ardhur edhe reagimi i këngëtarit Arkimend Lushaj, i njohur me emrin e artit si Stresi.
Teksa ka postuar video në rrjetet sociale nga protesta, reperi ka kërcënuar kryeministrin Edi Rama, “të dorëzojë” Kreun e Policisë së Shtetit, Ardi Veliun.
Në të kundërt, Stresi shprehet se Rama do ketë fatin e Gadafit, si dhe do digjet Surreli e Mali i Dajtit, zonë ku jeton kreu i qeverisë.
”Per her tfundit pot shkruj dorzo ardi mafiozin ose do digjet surreli e mali dajtit. Edi Rama Do kesh fatin e Kadafit.”, shkruan Stresi në Instagram.
Stresi është shpallur në kërkim nga policia, me akuzën e një prej organizatorëve të protestës së parë të zhvilluar në Tiranë, por këngëtari u arratis që prej asaj nate dhe aktualisht ndodhet në Kosovë.
View this post on Instagram
Prej 3 ditësh në Tiranë dhe qytete të ndryshme të vendit janë organizuar një sërë protestash për vrasjen e 25-vjeçarit, Klodian Rasha nga një efektiv policie.
Ministri i Brendshëm, Sandër Lleshaj njoftoi dorëheqjen nga posti 2 ditë më parë, por protestuesit nuk janë mjaftuar me kaq.
Ata kërkojnë edhe dorëheqjen e Drejtorit të Përgjithshëm të Policisë, Ardi Veliu, megjithatë kryeministri Edi Rama ka deklaruar se diçka e tillë nuk do të ndodhë, duke i etiketuar protestuesit, si lukubi halabakësh.
