Një ngjarje aspak e këndshme ka ndodhur gjatë takimit të djeshëm të Bashës me qytetarë të Pogradecit. Teksa gjithçka ka qenë duke u transmetuar live, kamerat kanë kapur momentin e turpshëm, kur një shoqërues i Bashës godet një burrë të moshuar.
Siç shihet në video, kreu i PD-së është ndalur nga një qytetar, i cili i thotë diçka, gjë që siç duket nga mimika e tij, nuk i ka pëlqyer Bashës.
Ky i fundit është larguar, duke thënë fjalët: “Atë e vendos populli”, e më pas ndërhyn një nga truprojat e Bashës, i cili qëllon me grusht në bark qytetarin dhe rikthehet përsëri pranë kryedemokratit.
