Një shqiptar me origjinë nga Vlora, është qëlluar për vdekje me dy plumba në kokë në Greqi. Ngjarja ka ndodhur mbrëmjen e djeshme në Greqi.
Shqiptari, identiteti i të cilit nuk është zbardhur ende, po pinte kafe në zonën e njohur si Agios Panteleimon, kur u qëllua nga një person tjetër. Ai mori dy plumba në kokë dhe ndodhet në spital, në gjendje të rëndë për jetën.
Mediat greke shkruajnë se ai është 39-vjeç, baba i dy fëmijëve dhe kishte ndërtuar jetën e tij në Athinë. Shqiptari kishte në pronësi një klub nate, dhe ishte vënë shumë herë shënjestër e kontrolleve të policisë. Ka dyshime se në klubin e natës shpërndahej drogë dhe trafikoheshin femra, por mbi të nuk është ngritur asnjë akuzë zyrtarisht.
