Vullkani Popocatépetl i Meksikës ka shpërthyer ditën e djeshme në orët e para të mëngjesit.
Mediat e huaja bëjnë me dije se shpërthimi ka ndodhur rreth orës 6.30 të mëngjesit, teksa janë publikuar në rrjetet sociale edhe momente nga shpërthimi i tij.
Për shkak të shpërthimit një re e madhe hiri u ngrit në ajër rreth 3 kilometra e lartë, duke mbuluar kështu 4 qytete që ndodheshin afër malit.
Meksikanët e quajnë atë “Mali i Tymosur” pasi për shekuj të tërë ky vullkan ka qenë shumë aktiv. Mali ndodhet 70 km në jug-lindje të kryeqytetit, Mexico City.
